广州首家“音乐Mix川菜”餐吧,给你一种踏实的信赖!
一发不可收拾！
无数砖家、叫兽都无办法估算既数值，
只有你自己可以亲身体验！
沿江東路，
城中·樂 音樂餐酒馆，
记得有人约你千万千万唔好去！
绝对唔好去！
咁小肥猫就可以包场独食，
顺便独享埋一班靓仔乐队既现场演唱，
外加诱惑既笑容、深情款款既眼神。
其实当小肥猫第一眼见到“城中·樂”，
瞬间谂到既系一出迪士尼经典动画片
——《泰山》
就好似一间系古老宁静深山老林，
里面既木屋，
曾经华丽既布置被岁月消磨，
显得沧桑有时间流逝既味道。
由于久久无人居住，
楼梯、栏杆、墙壁都被植物悄然占领。
纯木制作，
充满大自然原始风格既吧台。
好靓好靓！
好似电影里面先有既画面，
而且系外国高成本制作既大片！
而你唔使走后门、唔使潜规则，
就可以出演独一无二既主角。
上下两层，
经过细心既设计布置。
一楼面向舞台，
可以更好咁感受现场热闹气氛。
萨克斯同钢琴完美搭配。
二楼有包房、露台，
台凳间隔宽松，
同前后左右都保持适当距离，
倾生意、撑抬脚、一话聚会倾计，
都系一流既选择。
落班，
同同事、朋友、闺蜜，
一起黎尽情放松，
点一杯配搭心情既鸡尾酒，
细声讲大声笑，
小资又有调性，
才叫生活。
最刺激系，
城中樂仲准备左好多游戏，
等你同你D朋友一起玩！
带埋女神一起黎感情一定迅速升温~
红酒配大话骰，
低调中尽显张扬。
其中最正一定要数，
城中樂独创游戏，
——神经病游戏！
拿一副牌4～6人轮流抽取，
抽到每一张牌都有相应既项目，
考反应、考酒量~
仲要考埋膀胱既容量！
真系惊险、有趣、又刺激！
（想学玩就问服务员啦！）
每逢体育盛事，
现成气氛更加不得了！
咁既环境，
巨型屏幕，
仲有一千几百个同你一样，
热爱体育既朋友一起呼喊，
谂谂都热血沸腾！
“知音，
能有一两个就已经很好了，
实在不必太多。
朋友之乐，
贵在那份踏实的信赖。”
随处可见既字句，
令气氛变得更加微妙。
打开菜牌，
又一个大惊迎面而嚟，
菜牌上...
清一色川菜！
都怪主唱哥哥无一开口就
“辣妹子辣，辣妹子辣，辣辣辣~”
害人家都不知道是川菜馆了。
馋嘴蛙
▼
蛙系川菜菜系中不可或缺既一种菜品。
青辣椒、红辣椒、麻椒交替，
鲜艳夺目。
蛙肉爽口弹牙，
辣度经过特别调整，
好适合广东人口味，
辣中带鲜、鲜中又麻，
相辅相成。
卓大厨过水鲈鱼
▼
越新鲜嘅食材就越适合简单嘅做法，
就算系川菜其实都可以保留鱼嘅原汁原味，
藤椒嘅辣味令到鲈鱼嘅鲜甜更加鲜明出众！
好好味噶呢~
重庆歌乐山辣子鸡
▼
一定要即点即宰即做，
先可以将鸡肉既鲜美完美保留，
做起身好考验厨师既功力，
尤其系对火候既把握，
鸡肉金黄鲜艳同辣椒交相辉映，
入口酥脆、带有干辣椒过油既清香，
“多一分则焦，少一分则不熟”。
犀利犀利！
城中酸菜鱼
▼
未上台已经闻到浓郁的香气
见到个样口水流直流
干花椒铺满在鱼上，
酸菜置于鱼下，
青绿鲜红相交。
汤汁清澈见底，
鱼肉味鲜肉滑几乎无骨，
加上酸菜恰到好处
微辣，
劲过瘾！
香辣虾+蟹
▼
香辣虾+蟹其实，
系香辣虾+香辣蟹既混合版！
更加任性，
味道更加鲜美！
口感香辣略带微甜，
肉质肥美而鲜嫩，
辣而不燥，
肉质细嫩味道鲜美，
令人回味无穷！
特色烤鸡
▼
一大个雀笼咁摆上台，
真系好抢眼，
连隔离台都忍唔住拿起手机过黎影相，
拉仇恨果然系人生一大乐事！
野味既鸡肉香气随住热度散发于空气间，
金黄色嘅表皮，
脆啵啵到轻轻用手一碰，
都feel到嗰种香脆滋味，
肉汁十分丰富，
一啖咬落去吱到成口都系油吖~
糖醋排骨
▼
同粤菜里面既糖醋排骨唔一样，
川菜既糖醋排骨系以凉菜既形式出现。
先用高温油炸将肉汁紧锁，
再加上大厨秘制既酸甜酱汁，
开胃酥嫩，
好食到停唔到口！
孔明的皮蛋
▼
果冻一样的皮蛋，
辣椒紫苏的汁液附在上面，
闻着食指大动！
稍稍加了紫苏，
味道却如此不同，
孔明的皮蛋果然不一样！
培根芒果沙拉
▼
鲜香既培根同香甜既芒果，
如此绝配。
一咸鲜一甜美，
系口腔里面缠绕，
系一众麻辣既川菜里面，
显得尤其清新可爱。
西班牙墨鱼烤饭
▼
当这黑色的、散发着墨鱼香的烤饭，
摆在面前时，
不禁回想起细个时睇既动画片《中华小当家》，
莫非系“黑暗料理”？
入口不仅是满口的墨鱼鲜香，
更有柠檬的清新味道，
以及烧肉带来的浓郁口感，
嚼劲十足，
Q弹在味蕾上，
有趣而不失食欲。
一道令人无法拒绝既“黑暗料理”！
“城中·樂”
一间令人无法拒绝既餐厅。
城中·樂 音樂餐酒館
地址：越秀区沿江东路421号东城大厦1-2楼
（海港城对面）
营业时间：10:30-次日2:30
转载自公众号.广州美食攻略
